द्वितीय शतके प्रथम स्तबकः (पञ्चम स्तबकमः) --------------------------------------------------------- श्रीखण्ड चर्चामिव कल्पयन्तो मुहुः कपोलेषु सखीजनस्य | श्रीकण्ठकान्ता-हसिताङ्कुराणां श्रीमन्ति कुर्वन्तु जगन्तिभासः || १ कीर्तिर्वलक्षा कुसुमायुधस्य स्वर्णाद्रिकोदण्डजयोन्नतस्य | दरस्मितश्रीर्द्विरदास्यमातु- र्द्राघीयसीं वो वितनोतु भूतिम् || २ प्रमध्यमानामृतराशिवीचि प्रोद्गच्छदच्छाच्छ तुषारकल्पाः | युष्माकमिच्छां विदधत्वमोघां विघ्नेशमातुर्दरहास-लेशाः || ३ चन्द्रातपः कश्चन संप्रसन्नो महेशनेत्रातिथि-तर्पणो नः | मनोभिलाषं सफलीकरोतु महेश्वरी-हास-लव-प्रकाशः || ४ वलक्ष-वक्षोज-पटाञ्चलेन चलेनसार्धं कृतकेलयो नः | पुरत्रयाराति-कळत्र-हास भासो निरासं विपदां क्रियासुः || ५ भूयासुरायास-हराणितानि स्मितानि भूतेश-मृगीदृशो नः | येषां त्विषो बिभ्रति दिग्वधूटी गण्डेषु कर्पूर पराग लीलाम् || ६ कुर्वन्तु कामं सफलं त्व(म)दीयं कुलाद्रिकन्या हसितानि तानि येषां मयूखैः क्रियते सिताद्रे रुद्यान-वाटीषु नवोवसन्तः || ७ 'अम्रेडितं' भूषण-चन्द्रभासां नासाविभूषामहसां 'द्विरुक्तिः' | पुरारिनारी स्मितकान्तयो मे पूर्णानि कुर्वन्तु समीहितानि || ८ निर्माय-विश्वालयमम्ब! शर्व- स्त्वयासमं शिल्पविदास शिल्पी | विहर्तुमिच्छन्नयि वोडुमैच्छ न्नारीं भवन्तीं पुरुषो भवंस्त्वां || ९ दिव्यं दुकूलं धवलं दधाना वेण्या फनीन्द्रोपमया लसन्ती | प्रफुल्ल राजीव विलोचना त्वं प्रपञ्चभर्तुर्नयनान्यहार्षीः || १० प्रत्यङ्गबन्धं ज्वलदुत्तमंते भुजङ्ग राजोपमवेणि- रूपम | आत्मैकनिष्ठस्यच विश्वभर्तु राराधयामास 'विलोचनानि'|| ११ अभूस्त्वमाद्यस्यमनोमदाय सचापिते प्रीतिपदं बभूव | नकेवलं वां सकलस्यचासीद दाम्पत्य बन्धस्यतदम्ब!बीजम || १२ तवातिकान्ता नयानान्तवृत्ति- र्हासः पुरारेस्च नवेन्दुहारी | उभौ विवाहोत्सव पूर्वरञ्गं निर्वर्तयामासतुरादिरामे!|| १३ दातुं प्रभुःसान्त्वयितुं समर्थः, कर्तुं क्षम,स्तर्जयितुंचशक्तः | संरक्षतान्मां तवसर्ववन्द्ये! करस्तुषारांशुभृता गृहीतः || १४ स्प्रष्टुं नशक्या परमेवरैस्त्वं सचान्ययाचिन्तयितुम नसक्यः | त्वमेवसर्वस्य स एवतेऽम्ब दाम्पत्यमेवं युवयोस्तुसत्यम || १५ निजाद्वतं सेन्दुत इन्दुमन्य मुत्पाद्यते शम्भुरदाद्वतंसम | मूर्तामिवासौ सुभगात्रि!रात्रिम प्राप्य त्वदीयां कबरीं चकासे || १६ बभूविथागेन्द्रगृहेयदात्वं सचेश्वरस्तत्र चकार वासम | विलोकमानस्तवदेवि!विद्युत पाञ्चालिकायाः कमनीयभावम. || १७ सिद्धं स वां साधयितुं प्रवृत्तो योगं प्रदग्धोमदन श्चकल्पे | 'वसीति'कीर्तिम गिरिशस्यभर्तुं तुभ्यं 'त्वपर्णे'तिमशश्चकर्तुम. || १८ घोरं तपश्चेद्रचितंत्वयाऽपि प्राग्रूपभर्तुः समनुग्रहाय | विहाय यत्नं क इहाखिलाम्ब सम्बद्धमप्यर्धमुपैतुजन्तुः || १९ ज्वलत कपर्दो,दहनाङ्कभालः कपालमाली,करिकृत्तिवासाः | भुजञ्गभूषो,भसिताञ्गरागः, पुष्पेषुवैरी,परुषाट्टहासः || २० श्मशानवासी,पुरुष,स्त्रिशूली, जहारतेचेदनघाञ्गि!चेतः | दृष्टान्तमर्थोऽयमवापनैव प्रीतिर्भहिः कारणमाश्रितेति || २१ रूपंपुरारे रथवातदेतत सेयंचचेष्टा समयान्तरेषु | कान्तंवपुः कान्ततराश्चलीला स्त्वयानमं खेलितु मेषधत्ते.|| २२ प्रहृष्टयक्षः समवेतसिद्धो नृत्यद्गणेन्दोविकसन्मुनीन्द्रः| भूयोऽपियोगो युवयोर्हिमाद्रौ बभारमातर्मह मद्वितीयम || २३ महेश्वरस्त्वां परिणीयलेभे यावात्मजौ द्वावनघाङ्गि!मुख्यौ | एकस्त योर्भ्राम्यति विश्वमत्तुं भूभॄत्तटीराश्रयते बतान्यः || २४ सञ्कीर्तन्त्यो,जगतांतजनन्याः कल्याणवार्ताः कमनीयकीर्तेः | इमाः प्रमोदाय सतांभवन्तु सन्दर्भशुद्धा उपजातयोनः || २५ 'ईति पञ्चम स्तबकः' ॐ - तत - सत