dwitIya shatake prathama stabakaH ##(##pa~nchama stabakamH##)##
---------------------------------------------------------
shrIkhaNDa charchAmiva kalpayanto 
muhuH kapoleShu sakhIjanasya |
shrIkaNThakAntA-hasitA~NkurANAM 
shrImanti kurvantu jagantibhAsaH || 1

kIrtirvalakShA kusumAyudhasya
swarNAdrikodaNDajayonnatasya |
darasmitashrIrdviradAsyamAtu-
rdrAghIyasIM vo vitanotu bhUtim.h || 2

pramadhyamAnAmR^itarAshivIci
prodgacChadacChAcCha tuShArakalpAH |
yuShmAkamicChAM vidadhatvamoghAM
vighneshamAturdarahAsa-leshAH || 3

chandrAtapaH kashcana saMprasanno
maheshanetrAtithi-tarpaNo naH |
manobhilAShaM saphalIkarotu
maheshvarI-hAsa-lava-prakAshaH || 4

valakSha-vakShoja-paTA~nchalena
chalenasArdhaM kR^itakelayo naH |
puratrayArAti-kaLatra-hAsa
bhAso nirAsaM vipadAM kriyAsuH || 5

bhUyAsurAyAsa-harANitAni
smitAni bhUtesha-mR^igIdR^isho naH |
yeShAM tviSho bibhrati digvadhUTI
gaNDeShu karpUra parAga lIlAm.h || 6

kurvantu kAmaM saphalaM tva(ma)dIyaM
kulAdrikanyA hasitAni tAni
yeShAM mayUkhaiH kriyate sitAdre
rudyAna-vATIShu navovasantaH || 7

'amreDitaM' bhUShaNa-candrabhAsAM
nAsAvibhUShAmahasAM 'dviruktiH' |
purArinArI smitakAntayo me
pUrNAni kurvantu samIhitAni || 8

nirmAya-vishvAlayamamba! sharva-
stvayAsamaM shilpavidAsa shilpI |
vihartumicChannayi voDumaicCha
nnArIM bhavantIM puruSho bhavaMstvAM || 9

divyaM dukUlaM dhavalaM dadhAnA
veNyA phanIndropamayA lasantI |
praphulla rAjIva vilocanA tvaM
prapa~nchabharturnayanAnyahArShIH || 10

pratya~NgabandhaM jvaladuttamaMte
bhuja~Nga rAjopamaveNi- rUpam |
AtmaikaniShThasyaca vishvabhartu
rArAdhayAmAsa ##'##vilocanAni##'## || 11

abhUstvamAdyasyamanomadAya
sachApite prItipadaM babhUva |
nakevalaM vAM sakalasyacAsId
dAmpatya bandhasyatadamba##!## bIjam || 12

tavAtikAntA nayAnAntavR^itti-
rhAsaH purAresca navenduhArI |
ubhau vivAhotsava pUrvara~ngaM
nirvartayAmAsaturAdirAme##!## || 13

dAtuM prabhuHsAntvayituM samarthaH##,##
kartuM kShama##,## starjayituMcashaktaH |
saMrakShatAnmAM tavasarvavandye##!##
karastuShArAMshubhR^itA gR^ihItaH || 14

spraShTuM nashakyA paramevaraistvaM
sacAnyayAcintayitum nasakyaH |
tvamevasarvasya sa evate.amba
dAmpatyamevaM yuvayostusatyam || 15

nijAdvataM senduta indumanya
mutpAdyate shambhuradAdvataMsam |
mUrtAmivAsau subhagAtri##!## rAtrim
prApya tvadIyAM kabarIM cakAse || 16

babhUvithAgendragR^iheyadAtvaM
saceshvarastatra cakAra vAsam |
vilokamAnastavadevi##!## vidyut
pA~nchAlikAyAH kamanIyabhAvam. || 17

siddhaM sa vAM sAdhayituM pravR^itto
yogaM pradagdhomadana shcakalpe |
##'##vasIti##'## kIrtim girishasyabhartuM
tubhyaM ##'##tvaparNe##'##timashashcakartum. || 18

ghoraM tapashcedracitaMtvayA.api
prAgrUpabhartuH samanugrahAya |
vihAya yatnaM ka ihAkhilAmba
sambaddhamapyardhamupaitujantuH || 19

jvalat kapardo##,## dahanA~NkabhAlaH
kapAlamAlI##,## karikR^ittivAsAH |
bhuja~ngabhUSho##,## bhasitA~ngarAgaH##,##
puShpeShuvairI##,## paruShATTahAsaH || 20

shmashAnavAsI##,## puruSha##,## strishUlI##,##
jahAratecedanaghA~ngi##!## cetaH |
dR^iShTAntamartho.ayamavApanaiva
prItirbhahiH kAraNamAshriteti || 21

rUpaMpurAre rathavAtadetat
seyaMcaceShTA samayAntareShu |
kAntaMvapuH kAntatarAshcalIlA
stvayAnamaM khelitu meShadhatte##.## || 22

prahR^iShTayakShaH samavetasiddho
nR^ityadgaNendovikasanmunIndraH|
bhUyO.apiyogo yuvayorhimAdrau
babhAramAtarmaha madvitIyam || 23

maheshvarastvAM pariNIyalebhe
yAvAtmajau dvAvanaghA~Ngi##!## mukhyau |
ekasta yorbhrAmyati vishvamattuM
bhUbhR^IttaTIrAshrayate batAnyaH || 24

sa~nkIrtantyo##,## jagatAMtajananyAH
kalyANavArtAH kamanIyakIrteH |
imAH pramodAya satAMbhavantu
sandarbhashuddhA upajAtayonaH || 25

##'##Iti pa~ncama stabakaH##'##
AUM - tat - sat