(chaturthaSatake dwitIyastabakaH)

 chaturdaSastabakaH.

kAraNamakhila-matInAM vAraNamantarlasattamasaH .
mandasmitaM maheSvara sudR^iSo me Sreyaso bhavatu ..1..

viSvatanustanugAtrI vajramayI puShpasukumArI .
sarvasya SaktirabalA kalI gauryambikA jayati .. 2 ..

tAmAhurjagadaMbAM gaurIM kechit pare kalIM .
sA gaurI mahilAtanuraMbara-tanuruchyate kAlI .. 3 .. 

pAchakaSakteH kAlyAH kevala lingena bhidyate kAlaH .
yat pAkato gabhIrAdbhuvane sarve.api pariNAmAH .. 4 ..

sarvabhuvanASrayatvAt kAlI nAmnA diganyena .
loke tu vyavaharaNaM viduShAM dikkAlayoH bhAktam.h ..5 ..

digaditiragAdya-kha.ndA, pariNaya-mayitrI smR^itA kaLI .
dakShasyaikA duhitA, sA dveguNabheda-mugdha-dR^iSAm.h .. 6 ..

dehe dehe seyaM kuNdalinI nAma jagadaMbA .
sA svapiti saMsR^itimatAM yu~njAnAM prabuddhA syAt.h .. 7 ..

mUlAdhArAdagnirjvalati SirastaH SaSI dravati .
kuNdalinI mayi manye vINASayanAt.h prabuddheyam.h .. 8 ..

yaddravati tatra kiM twaM kiM tatra twamasi yajjwalati .
kimu tatrAsi maheSwari ! yadubhayametadvijAnAti .. 9 ..

EtAvagnIShomau jwAlabhiSchandrikAbhirapi .
AvR^iNutastanumanayorvyaktitvaM me paSurbhavatu .. 10 ..

agnistvaM somastvaM tvamadho jvalasi drvasyUrdhvaM .
AmR^itamanayoH phalaM tvaM tasya cha bhoktrI chidaMba tvam.h .. 11 ..

kinnu sukR^itaM mayA kR^itamakhilesvari ! kim.h tapastaptaM .
krIDayasi mAM pratikshaNamAnanda-sudhAnidhAva.ntaH .. 12 ..

kShA.ntaM kiM mama duritaM, SA.ntaM kiM devi ! te svA.ntam.h .
anugR^uhNAsi vichitraM mAmapyaparAdhinAM praThamam.h .. 13 ..

kAle kAle sa.ndhyArUpA nopAsitA bhavatI .
vicchinnaH smartAgnistretA kuta eva vahnInAm.h .. 14..

dAtuM nArjitamannaM bahudevebhyaScha bhUtebhyaH .
yat kinchidArjitaM vA kalatra-putrAnvito.aSyAmi .. 15 ..

kaSchidapi pApahArI na puraScharitaScha te ma.ntraH .
kam guNamabhilakShya mama prabuddhyase.antarjaganmAtaH .. 16 ..

tava mayi pRthak.h tanUja-premA chet.h pakShapAto.ayam.h .
atha vA satAM nisargaH so.ayaM tvayi chAMba! saMbhAvyaH .. 17 ..

lakshyaM vinaiva ma.ntraH kim siddhyati kotiSo.apyuktaH .
dadhmastadyadi lakShyaM tava rUpaM galati hA! mantraH .. 18 ..

sa.nkalpAnAM vAchAManubhUtInAM cha yammUlaM .
yatra prANo baddhastallakShyaM devi ! te rUpam.h .. 19 ..

naisargika svavR^itterahankR^itermUlamanviShya .
tvAM kila sAkshAt.h kurute ramaNamaharsheriyaM dR^iShtiH .. 20 ..

manye parvatakanye, maruseyamaha.nkR^itirmahatI .
avataratA varShgaNairapi tanmUlaM na labdhamaho .. 21 ..

eSha praudho bhagavati ! bahulaM garjatyaha.nkAraH .
etasminnayi kale bhavatI chAbodhi kuNDalinI .. 22 ..

tava paSchat.h saMbhUtiM jAnAti na so.ayamadyA.api .
prAgiva garjati dhIraM bibheti mR^ityornanediShThAt.h .. 23 ..


atipuShTamaha~NkAraM paSumetaM tubhyamarpayate .
pramathapati-prANeSvari! gaNapatirekA.nta-bhakto.ayam.h .. 24 ..

upagIta yo gaNapateH upatiShThantAmimAH pItyA .
utsava-sahasra-lolAmukAra-vAchyasyagR^iha-nAthAm.h .. 25..

..    iti chaturdaSastabakaH  ..