1 itaHpItvAkuchaM skande prasAritakare tataH
  jayati smitamudbhUtaM shivayorekadehayoH ..

2 ekatomaNima~njIra kvANAhUtasitachChadam
  anyatonUpurAhIndraphUtkArakR^itatad bhayam ..

3 gIrvANapR^ItanApAlaM bAlaM lAlaya dekataH .
   utsa~Nge gaNasamrAjamarbhakaM bibhradanyataH ..

4 viDambita brahmachAri kokaika stanamekataH .
   kavATarthanibhaM bibhradvakShaH kevala manyataH ..

5 senAnyAsvAditastanya manuphUt kurvataikataH .
   phUtkAramukharaM nAgamugraM jAgratamanyataH ..

6 ekatodorlatAMbibhra.amR^iNALa shrI viDambinIm .
   shukrashuNDAlashuNDAbhaMchaNDaM dordaNDamanyataH ..

7 kutrApyavidyamane.api vandanIye tadA tadA
   paraspara karasparshalobhato vihitA~njali .. 

8 shakranIlasavarNatvAd bhAgayorubhayorapi .
  UrdhvAdharA~NgasApekSha sandhiGYAnagalastham ..

9  ekataH kairava shreNI nidrAmochana lochanam
   anyataH kamalAvAsa kShaNAdhAyaka vIkShaNam ..

10 ekatashchakShuShA chArutoraNAdhIta vibhramam .
   anyataH pANipAdhoje khelato mR^igabAlataH ..

11 ekatobhAlaphalake kAshmIreNa visheShitam .
   anyato.arthekShaNenairatibhrUvibhramadruhAH ..

12 ekataHshItalAlokaM sAdhulokashiva~Nkaram 
   anyataH prajvalat prekShaM duShTagoShTI bhaya~Nkaram .. 

13 ekatomaNitATa~Nka prabhAdhauta kapolakam
   anyataH kuNDalIbhUta kuNDalIbhUta kuNDalI ..

14 ekataH kuntalAn bibhradindra nIlopamadyutIn .
   anyataH pAvakajvAlA pATalAMshuchChaTAjaTAH ..

15 ekataH keshapAshena kIrNenorasibhAsuram .
   anyato lambamAnasya bhogino haratAshriyam .. 

16 avataM sitamamlAna pArijAtasrajaikataH
   vimalollolamAlinyA  vibhudhApagayAnyataH .. 

17 raupyAchalakR^itAvAsaM prApyaM yuktena chetasA .
    vasturAmApumAkAraM hR^idisannidadhAtume .. 

18 kAntArtha vigrahemAtarjaTArthashchikurAstava .
    dadhatyadabhrasandhyAbhra yuktakAlAbhra vibhramam ..

19 dampatyoryuvayo reShalopo yannAsti shailaje .
     vAmam pArshvaM vibhoshshetuM dAtuM te dakShiNaH karaH .. 

20 loke strIstanayugmena puShNAtyekaM sutaM navA
   stanenaikena sharvANi##!## puShNAsitvaM jagat trayam .. 

21 khidyanti yoShitaH kukShau vahantyorbhakamekakam.
    arthakukShau dadhAsitvaM trilokImamba##!## lIlayA ..

22 anurUpAshivasyatvamanurUpaH shivastava .
    ala~NkAro.anurupo vamala~NkAro.arbhakaH shashI .. 

23 tavaiva tava dehaMsho harasyaivaharasya yaH .
    prANAstu jagatAM dhAtri##!## harasyatvam harastava .. 

24 avibhaktaM bhavAni##!## svam bhavasya tavachobhayoH .
    sakR^it sakaruNaM chetaH sa~Nkalpayatu nashshivam ..

25 bhavasya bhAgamutsR^ijyabhavAnI bhAgamAtmanaH .
   bhajatvanuShTu bhAmAsAM sR^iShTAnAM nArasiMhinA ..