AyuShyAbhuvanAnAM chaxuShyAstripurAreH .
kurvantu pramadaMnaH pArvatyAH smitaleshAH ..		1

nAtyarghANi nirarthaM setavyAni dinAni .
ambAyAshcharitAni shrotavyA nyanaghAni ..		2

udyogaM kurujihve! saMhartuM duritAni .
pUtAnyadri sutAyAH kIrtyantAM charitAni ..		3

shrIsaktirvini vAryA chinyAkA.apinakAryA .
nityaM chetasidhAryA dInAnAM gatirAryA ..		4

j~nAtuMyA gadituMyA, shrotuMyA shvasituMyA .
draShTuMyA.antarashaktistiShThA trasmR^iti reShA ..	5

vibhrAjInashatAbhaM bibhrANaM shirasIndum.h .
smartavyaM jagadambArUpaMvA dhutapApam.h ..		6

yeShAMsyAt.h paritaptaM prAyashchittamaghena .
rudrANIpada sevA prAyashchittamamIShAm.h ..		7

tad.hdIptaM padayugmaM seveyatrabhavanti .
a~NgulyodashabhAnorbhAnUnAM shatakAni ..		8

nochet.h kupyasi ki~nchid.h yAchevAcha matIte .
sevAMmAtarurIkurviShTaM mekurumAvA ..			9

sharvANI charaNArchApIThaM pIvarakANAm.h .
vadhyasthAna midaM syA dugrANAM duritAnAm.h ..		10

skandAmbA padapITha spR^iShTaMched.h balamAptam.h .
ekaikaM sumamaMha ssvekaikaM kulishaMsyAt.h ..		11

ambhojopa mama~NghriM shambhoH paTTamahiShyAH .
aMhassaMhatimugrAM saMhartuM praNamAmaH ..		12

yekAlI padaveShaM nAlIkaM praNamanti .
naiShAM ki~nchidashakyaM nAlIkaM mamavAkyam.h ..	13

vAsaste.atrasamAptaH pa~Nketo vrajadUram.h .
kAlIM sha~NkaranArIM kAle.asmin.h praNamAmaH ..		14

AshAretadavasthAbhUbhAgAnaTataste .
kAmAnAM kvanupAraH kAmArernamanArIm.h ..		15

dhanyAste tuhinAdreH kanyAMye praNamanti .
anyAnunnata shIrShAn.h manye vanyalulAyAn.h ..		16

pAdAmbhojamumAyAH prAj~nAssampraNamantaH .
gR^ihNanti shriyamasmin.h rAjantIMnijashaktyA ..	17

mandArAdrisutA~NghrIdAtArausadR^ishaustaH .
utkaNThaiH phalamAdyA danyasmAnnatakaNThaiH ..		18

kAlasyApi vijetuH sharvANyAshcharaNasya .
eSho.ahaM kavilokaxmApAlo.asmibhujiShyaH ..		19

raktedarshayarAgaH rudrANI padapadme .
chetaH puShyatishobhAM sArassAravato.agre ..		20

saMshodhyAgamajAlaM sArAMshaM pravadAmaH .
skandAmbApadabhaktirbhuktai chAthamuktyai ..		21

vAtsalyaM gatihIneShvAyuShyaM sukR^itasya .
bhUyobhiH sahasakhyaM shrI hetuShvihamukhyam.h ..	22

shlAghyaM puShyati kAmaM premAsvapramadAyAm.h .
sharvANI padabhaktirnityAya pramadAya ..		23

ekaivaM bahubhedA bhinnatvAdviShayANAm.h .
ratyAkhyAdrutirantaH sAsUtephalabhedAn.h ..		24

harShaM ka~nchanamAtuH mattobhaktibhareNa .
tanvanneShavidhattAM herambomadalekhAH ..		25