दरस्मित श्रीकपटा सुपर्व स्रोतस्विनी पर्वतजास्यजाता . पङ्कं ममक्षालयता दशेषं संसारमग्ने हृदये विलग्नम् .. १ हराट्टहासेन समं मिलित्वा पित्रेव पुत्रो गुरुणेव शिष्यः . विभ्राजिमानो मम शंकरोतु हासांकुरः केसरि वाहनाय .. २ नमश्शिवायै भणतद्विपादो युष्माकमग्र्यांधिषणां दधत्यै . आधारचक्रे शितुरम्बिकायै ब्रह्माण्डचक्रस्य विधायिकायै .. ३ वदन्ति गावोऽपि विशिष्टकाले ष्वम्बेति योनाह्वयते सकिंना . लक्ष्यंपुनः प्राणवदस्तु सर्वं सर्वस्यचान्तर्हि पराऽस्तिशक्तिः .. ४ आत्मन्युतान्यत्र विधायलक्ष्यं तां शक्ति माद्यामखिलेषु सुप्ताम् . यावत् प्रबोधं मुहुराह्वयस्व प्रबुध्यते सायदिकिन्न्वसाध्यम् .. ५ येनामशान्तिं परमां वहन्तो नामानि शीताचलपुत्त्रिकायाः . सङ्कीर्तयन्तो विजनेवसन्ति जय स्ततातादपिते जयन्ति .. ६ नामानि सङ्कीर्तयतां जनानां कारुण्यवत्याः करिवक्त्रमातुः . पुनर्जनन्या जठरे निवासा दायासवत्ता भवतीतिमिथ्या .. ७ पापैस्समन्तात् समभिद्रुतोऽपि विश्वस्यते विक्रम मस्मिधीरः . नचेद् रसज्ञे! भवती ब्रवीति नामानि सीतांशुभृतोहतोऽहम् .. ८ देहीति सम्पल्लवदर्पितानां द्वारेषु घोषं कुरुषे परेषाम् . भवानि! भद्रे! भुवनाम्ब! दुर्गे! पाहीतिनायाति किमम्ब! जिह्वे! .. ९ वाक्यानिवक्तुं यदिते रसज्ञे! रसोज्ज्वलानि व्यसनं गरीयः . किं वानमोन्तानि सुधां किरन्ति नामानिनोसन्ति कुमार मातु .. १० यद् गीयते शैलसुताभिधानं तदेवबोध्यं सुकृतं प्रधानम् . अज्ञानिलोकस्य कृतेभणन्ति यज्ञादि पुण्यानि पराणिविज्ञाः .. ११ साम्ना प्रयुक्तेन जगद् वशेस्या न्नाम्नासदोक्तेन जगद्विनेत्री . वेदोभयं सम्यगिदं कृतीयो भवेभयं तस्यकुतोऽपि नस्यात् .. १२ सङ्कीर्तनात् तुष्यति शर्वयोषा तुष्टा त्वभीष्टं न ददाति नैषा . इमंत्वविज्ञाय जगत्युपायं व्रजन्त्यपायं बहुथामनुष्याः .. १३ भाषे भुजङ्गाभरण प्रियाया नामानि कामानितरान् विहाय . अपिप्रपञ्चातिग घोरकृत्यं करोतुकिं मांतरणेरपत्यम् .. १४ यज्ञेन दानैः कठिनव्रतैर्वा सिद्धिंय इच्छेत् स गृहीतुमिच्छेत् . मातुः शयानोऽङ्कतले शशाङ्कं महेश्वरीं कीर्तयतस्तु सिद्धिः .. १५ रहस्यतंत्राणि विविच्यदूरं व्याजं विमुच्यप्रवदामि सारम् . नामैव कामारि पुरन्ध्रिकायाः सिद्धेर्निदानं न मखोनदानम् .. १६ पीयूषमीषन्मधुरंभणन्ति येनामरामाधरपानलोलाः . कामारि रामाह्वयगानलोलाः कवीश्वराः काञ्जिकमालपन्ति .. १७ सुधाघटःकोऽप्यधरोवधूनां कविस्सुधातो यधरोभिधेयः . अयं सुधावीचिवितानमाली नामप्रणादो नगकन्यकायाः .. १८ सुरालये भातितरां सुधैका सुधापरा वाचि महाकवीनाम् . बिम्बाधरे कञ्जदृशां सुधान्या सुधेतरानामनि लोकमातुः .. १९ माधुर्यमाभात्यधरे वधूनां चकोरबन्दोः शकले प्रसादः . त्रिस्रोतसो वारिणि पावनत्वं त्रयंचनाम्नि त्रिपुराम्बिकायाः .. २० यामाधुरी प्रेमभरेण दष्टे जागर्ति कान्ता वरदन्त चेले . सादृश्यते भक्ति भरेणगीते धराधराधीश सुताभिधाने .. २१ यत् तेजगल्लम्पट केऽपिवर्णा स्तन्मेऽमृतंनाम नगात्मजायाः . लालामयो योममतं ब्रवीषि सुधामयं स्त्रीदशनच्छदंत्वम् .. २२ उच्चारयोच्चाटितपातकानि नामानि जिह्वे! भुवनस्यमातुः . तदावदामो मधुचूतरम्भा रामाधरास्ते रुचयेयदिस्युः .. २३ आक्षेपमिक्षो रधिकं विधत्ते पीयूषदोषा नभितोऽभिधत्ते . कान्ताधरारब्धदुरन्तवादः कपर्दि कान्तावर नामनादः .. २४ विश्वासहीनै स्सुतराम बोध्यं नामानुभावं नगकन्यकायाः . जयन्तु सिद्धैरपि गीयमानं गायन्त्य एता उपजातयोनः .. २५