darasmita shrIkapaTA suparva
srotasvinI parvatajAsyajAtA .
pa~NkaM mamaxAlayatA dasheShaM
saMsAramagne hR^idaye vilagnam.h ..	1

harATTahAsena samaM militvA
pitreva putro guruNeva shiShyaH .
vibhrAjimAno mama shaMkarotu
hAsAMkuraH kesari vAhanAya ..		2

namashshivAyai bhaNatadvipAdo
yuShmAkamagryAMdhiShaNAM dadhatyai .
AdhArachakre shiturambikAyai
brahmANDachakrasya vidhAyikAyai ..	3

vadanti gAvo.api vishiShTakAle
Shvambeti yonAhvayate sakiMnA .
laxyaMpunaH prANavadastu sarvaM
sarvasyachAntarhi parA.astishaktiH ..	4

AtmanyutAnyatra vidhAyalaxyaM
tAM shakti mAdyAmakhileShu suptAm.h .
yAvat.h prabodhaM muhurAhvayasva
prabudhyate sAyadikinnvasAdhyam.h ..	5

yenAmashAntiM paramAM vahanto
nAmAni shItAchalaputtrikAyAH .
sa~NkIrtayanto vijanevasanti
jaya statAtAdapite jayanti ..		6

nAmAni sa~NkIrtayatAM janAnAM
kAruNyavatyAH karivaktramAtuH .
punarjananyA jaThare nivAsA
dAyAsavattA bhavatItimithyA ..		7

pApaissamantAt.h samabhidruto.api
vishvasyate vikrama masmidhIraH .
nached.h rasaGYe! bhavatI bravIti
nAmAni sItAMshubhR^itohato.aham.h ..	8

dehIti sampallavadarpitAnAM
dvAreShu ghoShaM kuruShe pareShAm.h .
bhavAni! bhadre! bhuvanAmba! durge!
pAhItinAyAti kimamba! jihve! ..		9

vAkyAnivaktuM yadite rasaGYe!
rasojjvalAni vyasanaM garIyaH .
kiM vAnamontAni sudhAM kiranti
nAmAninosanti kumAra mAtu ..		10

yad.h gIyate shailasutAbhidhAnaM
tadevabodhyaM sukR^itaM pradhAnam.h .
aGYAnilokasya kR^itebhaNanti
yaGYAdi puNyAni parANiviGYAH ..		11

sAmnA prayuktena jagad.h vashesyA
nnAmnAsadoktena jagadvinetrI .
vedobhayaM samyagidaM kR^itIyo
bhavebhayaM tasyakuto.api nasyAt.h ..	12

sa~NkIrtanAt.h tuShyati sharvayoShA
tuShTA tvabhIShTaM na dadAti naiShA .
imaMtvaviGYAya jagatyupAyaM
vrajantyapAyaM bahuthAmanuShyAH ..	13

bhAShe bhuja~NgAbharaNa priyAyA
nAmAni kAmAnitarAn.h vihAya .
apiprapa~nchAtiga ghorakR^ityaM
karotukiM mAMtaraNerapatyam.h ..	14

yaGYena dAnaiH kaThinavratairvA
siddhiMya ichChet.h sa gR^ihItumichChet.h .
mAtuH shayAno.a~Nkatale shashA~NkaM
maheshvarIM kIrtayatastu siddhiH ..	15

rahasyataMtrANi vivichyadUraM
vyAjaM vimuchyapravadAmi sAram.h .
nAmaiva kAmAri purandhrikAyAH
siddhernidAnaM na makhonadAnam.h ..	16

pIyUShamIShanmadhuraMbhaNanti
yenAmarAmAdharapAnalolAH .
kAmAri rAmAhvayagAnalolAH
kavIshvarAH kA~njikamAlapanti ..	17

sudhAghaTaHko.apyadharovadhUnAM
kavissudhAto yadharobhidheyaH .
ayaM sudhAvIchivitAnamAlI
nAmapraNAdo nagakanyakAyAH ..		18

surAlaye bhAtitarAM sudhaikA
sudhAparA vAchi mahAkavInAm.h .
bimbAdhare ka~njadR^ishAM sudhAnyA
sudhetarAnAmani lokamAtuH ..		19

mAdhuryamAbhAtyadhare vadhUnAM
chakorabandoH shakale prasAdaH .
trisrotaso vAriNi pAvanatvaM
trayaMchanAmni tripurAmbikAyAH ..	20

yAmAdhurI premabhareNa daShTe
jAgarti kAntA varadanta chele .
sAdR^ishyate bhakti bhareNagIte
dharAdharAdhIsha sutAbhidhAne ..	21

yat.h tejagallampaTa ke.apivarNA
stanme.amR^itaMnAma nagAtmajAyAH .
lAlAmayo yomamataM bravIShi
sudhAmayaM strIdashanachChadaMtvam.h ..	22

uccArayoccATitapAtakAni
nAmAni jihve! bhuvanasyamAtuH .
tadAvadAmo madhuchUtarambhA
rAmAdharAste ruchayeyadisyuH ..		23

Axepamixo radhikaM vidhatte
pIyUShadoShA nabhito.abhidhatte .
kAntAdharArabdhadurantavAdaH
kapardi kAntAvara nAmanAdaH ..		24

vishvAsahInai ssutarAma bodhyaM
nAmAnubhAvaM nagakanyakAyAH .
jayantu siddhairapi gIyamAnaM
gAyantya etA upajAtayonaH ..		25