uddIpayatu nashshaktimAdishakterdarasmitam.h | tattvaM yasya mahatsUkshmamAnandoveti saMshayaH || 1 pUrNaM praj~nAtR^i sadbrahma, tasya j~nAnaM maheshvarI | mahimAteja AhosvicChaktirvA prANa eva vA || 2 prachakShate chidAtmatvaM j~nAturj~nAnasya chobhayoH | pradIpasya prabhAyAshca jyotirAkR^ititAM yathA || 3 chita ekapadArthatvAt.h ciccitAnavishiShyate | tasmAdguNatvaM j~nAnasya sha~NkareNa nirAkR^itam.h || 4 j~nAturj~nAnaM svarUpaM syAnnaguNo nApi ca kriyA | yadi svasya svarUpeNa vaishiShTyamanavasthitiH || 5 vA caiva shakyate kartuM vibhAgassvasvarUpayoH | nAnubhUtyA, tato dvaitaM sacChaktyorvyAvahArikam.h || 6 brahmaj~nAnasya pUrNasya viShayodyaurudIryate | sA brahmaNo vyApakatvAdvastuto nAtiricyate|| 7 vikAsAdapi saMkochAt.h sargapralayayordvayoH | praj~nAnasya budhairuktau janmanAshAvubhau divaH || 8 dharmabhUtaM parasyedaM nakAryaM paramaM nabhaH | akhaNDatvAnna vikR^itirvishvasmin.h prakR^ititvataH || 9 AkAshe parame dIpyat.h praj~nAnaM paramAtmanaH | ekAgratvAt.h pravR^iddhoShmagabhIramabhavanmahaH || 10 tridhaivaM dharmabhUtasya j~nAnasya vikR^itiM vinA | shuddhatva-viShayatvAbhyAM mahastvAcca dashAtrayam.h || 11 vij~nAne bhAti ye bhAnti bhAvA dravyaguNadayaH | na ki~nchidanubhUyante vij~nAno parame tu te || 12 evaM svataH prakAshatvam.h viShayANAM na dR^ishyate | siddhishca parato na syAt.h sambandhaM ka~ncidantarA || 13 dR^ishyate viShayAkArA grahaNe smaraNe ca dhIH | praj~nA-viShaya-tAdAtmyamevaM sAkshAt.h pradR^ishyate || 14 na cet.h samaShTi vij~nAna vibhUtirakhilaM jagat.h | viShayavyaShTi vij~nAna tAdaatmyaM nopapadyate || 15 yathA.asmadAdi vij~nAne dhyeyaM buddhiriti dvayam.h | pUrNe samaShTi vij~nAne vikR^itiH prakR^itistathA || 16 pariNAmo yathA svapnaH sUkShmasya stUlarUpataH | jAgrat.h prapa~nca eSha syAttatheshvara mahAcitaH || 17 vikR^itissarvabhUtAni prakR^itiH paradevatA | sataH pAdastayorAdyA tripAdI gIyate parA || 18 kabalIkR^itya sa~NkalpAnekA.api syAd.h yathA matiH | bhUtAni kabalIkR^itya devatApi tathA parA || 19 bhUtAnAmAtmAnassarge saMhR^itau ca tathAtmani | prabhaveddevatA shreShThA sa~NkalpAnAM yathAmatiH || 20 anubhUtyAtmikA seyamIshashaktiH parAtparA | AdhArachakre piNDeShu virAjati vibhinnavat.h || 21 sUkShmastUle tataH shAkhevidyutccakti samIravat.h | tatrAdyA j~nAnashaktissyAt.h kriyAshaktiranantarA || 22 j~nAnendriyANi prathamA vibhUtirmanasA saha | karmendriyANi tvaparAvibhUtissahasA saha || 23 kriyAmUlamuta j~nAnamUlaM kimiti cintayan.h | Atmashaktimito vidvAnamR^itatvAya kalpate || 24 gabhiirAssutarAmetAH kAlikA-tattva-kArikAH | dhiyobhAsogaNapaterbhavantu viduShAM mude || 25