dashama-shatake tR^itiiya-stabakaH (ekonachatvAriMsha-stabakaH) vyApyedamindorbhuvanaM ya yeva prAyeNa tasyAmalachandrikA.abhuut.h | mandastavArtiM sadhunotuhAso nishsheShalokeshvara vallabhAyAH || 1 puurNe viya tyekataTijjvalantii lokAnasheShAna nishaMpachanti | megheke dAchinmahasAsphurantii chaNDiiprachaNDA haratAdaghaMnaH || 2 golAni kAnyapyadhunodbhavanti jiiryantikAnyapyakhilesha kAnte! yAntyambike kAnyapi vR^iddhimatra pAkebhavatyAH paritaH pravR^itte || 3 bhAsAMvinetrA mahatAgrahaishcha bhuuri pramANairyuta miishakAnte | ekaika maNDaM tava lomavachchet.h kaste mahad bhAgyamihabraviitu || 4 nAthasya te ruupamaNoraNiiyo mAtastvadiiyaM mahato mahiiyaH | janAtiyo deevirahasyametat.h vyAkhyAtumeSha prabhavatyasheSham.h || 5 yad garjitaM vAridagharShaNeShu shabdastavAyAM sugabhiiraghoShaH | yallokarAj~ni! sphuritaM tadeta dujjR^imbhitaM ki~nchana kAnti viicheH || 6 indrasyavajraM jvalitaM kR^ishAno rjyotissahasrachChadabAndhavasya piiyuuShabhAnorhasitaM visAri jiivasya chakShurmamatAta! daivam.h || 7 yasyaiva tejaH pravibhaktamarka vidyuchChashA~Nkanala lochaneShu guuDhaM tadAkAshagR^ihe samantA dantAnabhij~naM praNamAmi daivam.h || 8 jAgratsubuddhi rnimiShatsu nidrA shuShkeShu paktistaruNeShu vR^iddhiH | dhiireShu niShThAH chapaleShu cheShTA deviimamApatti mapAkarotu || 9 vidyAvato vAda vidhAnashaktiH rviirasya sa~NgrAmavidhAnashaktiH | nAriimaNe rmohavidhAna shakti rleshatrayaM ki~nchidapArashakteH || 10 utsAhahantii tapatAM manAMsi sa~nchodayantii mahAkriyAsu | sa~nkShobhayantii hR^idayaMkhalAnAM sammohayantii cha parAvAtAnnaH || 11 sa~nchAlayantii sakalasya dehaM vyAnasyashaktyA paritolasantyA | jetuH pratepe.asti palAyane.asti bhiitasya cheyaM nikhilesha shaktiH || 12 ekaM svaruupaM bahu chitrayogAt.h sandarshayantii vividhaM janebhyaH | samyagdR^ishesvaM vibhumarpayantii sarvAdimAyaiva maheshajAyA || 13 yassaM shrayetAkhilasa~NgatistvAM dhyAnena mastreNa guNa stavairvA | trailokyasAmrAjyadhurandharasya shuddhAntakAnte! sa kR^itiimanuShyaH || 14 muulAgni muddiipyashirasshashA~NkaM sandrAvya yastarpayate kR^itiitvAm.h | tasmin nagAdhiishvarakanyake! tvaM prAdurbhavantiina ki mAdadhAsi || 15 yastvAm sahasrAra sarojamadhye somasya ruupAM bhakate.amba! yogii | tasyAntaraH shAnti mupaiti tApo bAhyasya kAnAmakathAlpakasya || 16 daNDenayo.anta rdahare.avatiirNaH prANenavAchA mahasAdhiyAvA | prApnotiso.ayaM puramadvitiiyaM yatratvamiishA sahachitraliilA || 17 tantroditaM vishva vinetrimantraM yastenaraH saMyamavAnupAste | rudrANi sAndrAmbudakeshapAshe pAshairvimuktaH sajayatyasheSham.h || 18 padmAsano dvAdashavarNashaantii dambholipANi rbhuvanAdhinAthA | giirvANamArgo bhR^igurabjayoni rante tathA.agre chahalAM virAjii || 19 jambhasyahantaa.analashAntichandraiH saMyukta uuShmAgala deshajanmA | dantastalii sambhava uuShmavarNo vANiipatirvajradharashcha lajjA || 20 vidyAviyaM pa~nchadashAkSharADhyA sAkShAnmahAmauna guruupadiShTA | gopyAsugopyA sukR^itairavApyA shreShThAvinutyA parameShTinA.api || 21 deheShviyaM kuNDalimiinyagAdi bhuuteShu vidyud bhuvaneShu chA bhram.h | devA~NganAmastaka lAli tA~Nghri- rdevii bhavAnii khalu devatAsu || 22 chakShurvidhAyAchalamantareNa prANaM prapashyan manuvarNaruupam.h | saMseva techet.h sakalasyadhAtriiM sarveShTalAbho viduShaH karasthaH || 23 ekAkShariiH pa~nchadashAkShariiM vA vidyAH prakR^iShTAH sakaleshashakteH | yobhaktiyuktaH prajapedamuShya prANovashe nistula siddhiyoniH || 24 etAH kaviinAM padaki~Nkarasya putAH pramodaM paramAvahastu | giitAssabhakti drava mindravajrAH shvetAchalAdhiishvara vallabhAyAH || 25 || iti umA-sahasre ekonachatvAriMsha-stabakaH ||