अखिल जगन्मातोमा तमसा तापेन चाकुलानस्मान्  .
अनुगृह्णात्वनुकम्पा सुधार्द्रया हसित चन्द्रिकया .. १

निकिलेषु प्रवहन्तीं निरुपाधि विमर्श योगदृस्योर्मिम् .
अजरां अजां अमेयाम् कामपि वन्दे महाशक्तिम्  .. २

सा तत्त्वतः समन्तात् , सत्यस्य विभोस्तता तपश्शक्तिः .
लीला महिला वपुषा, हैमावती तनुषु कुण्डलिनी  .. ३

परमः पुरुषो नाभिर्लोकानां, सत्य उच्यते लोकः .
परितस्ततः सरन्ती सूक्ष्माक्ति स्तपोलोकः .. ४

अन्तर्गूढार्थानां पुरुषाग्नेर्धूम कल्प उद्गारः .
शक्तिज्वालाः परितः प्रान्तेष्वभवज्जनोलोकः .. ५

अतिसूक्ष्मधूमकल्पं, लोकं ततमाख़्ययाऽन्यया नाकम्  .
एतम् ततोऽपि सूक्ष्मा, व्यापऽन्तरतः पराअशक्तिः .. ६

धूमन्तरोष्मकल्पा, शुद्धज्वालोपमा च या शक्तिः  .
तां दिवमाहुः, केचन, परमव्योमापरे प्राहुः .. ७

उद्गीर्ण धूमकल्पयोऽयं अपारो महान् जनोलोकः .
व्योमान्तरिक्ष गगनप्रभृतिभिर् अभिधाभिर् आहुस्तम् .. ८

प्रान्तेशु कोऽपि शक्तेः पृथगात्मावियदुपाधि सङ्गेन .
परमात्मनो विभक्तः स्वयमभिमन्ता विनिष्पेदे .. ९

दक्षः परोक्षमुदितः पन्था एशत् त्विशाम् जनो लोकः  .
तद्गर्भे लब्धात्मा कथिता दाक्षायणी शक्तिः .. १०

सत्याः प्रागपि शक्तेः प्रादुर्भावः स कीर्त्यते प्रथमः .
ईशाभिमानमय्याः पृथगभिमानित्व निष्पत्या .. ११

आकाशस्य सुतैवं लक्षणया वस्तुतः प्रसूः शक्तिः .
अदितेर्दक्षो दक्षाददिति ति शृतिर बाधैवम् .. १२   correct me 

जगतां मातापितरौ सती-भवौ केऽपि पण्दिताः प्राहुः .
अदिति-प्रजापती तावपरेशां भाशया विदुशाम् .. १३

दिव्य पुमाकृतिमीशे भिभ्रति लीलार्थमस्य रमणाय .
दिव्य वनिताकृतिं सा बभार माता च भुवनानां .. १४

भासुर हेमाभराणां बहुशोभामीश्वर प्रमोद कलां .
मूर्तिं, पावनकीर्तिं, तां हैमवतीमुमामाहुः .. १५

तस्यप्रथमः साक्षीभुवनजुषां नयन-शालीनां मध्ये .
वपुषः कीलादिसुदृशो निरुपम पुण्यो निलिम्प पतिः .. १६

पल्लव मृदु वेदिगत-ज्वलन पवित्रं, महार्घमणि-कान्तम् .
नव-चन्द्रखण्ड-सौम्यं, शिव-सुधृशः तत् स्मरामि वपुः .. १७


केचन 'गौरीं' देवीं, श्रीताद्रे देवतात्मनोजाताम् .
कथयन्ति श्रियमुत्तमलावण्यास्वादितो गण्याम् .. १८

सत्यैव भवतु सेयं कथा तथाऽपि प्रभाषितां भक्तैः .
तां मूर्तिमादि-सुदृशो जानीयात् कमपि तेजोंशम् .. १९

मन्यन्ते केऽपि घनं पर्वतमुक्तं निगूढया वाचा .
प्रादुर्भवति गभीरध्वनिरविषह्या यतः शक्तिः .. २०

आकाशो गोलेभ्यो यद्वितरति निज-रजश्चयादन्नम् .
नेशाय कीर्त्यते सा संसारे दक्ष-याग-कथा .. २१

व्याप्ताऽपि यन्निगूढा बहिरीक्षक-बुध्यपेक्षया नष्टा .
शक्तिर्यागे तस्मिन्नवसानं तदुदितं सत्याः .. २२

पर्वतनाम्नो वैदिक-भाषयाम् यदियमतिबला शक्तिः .
घनतो भवति व्यक्ता तदभिहितं 'पार्वतीजननम्' .. २३

तेजोंशतः शिवाविह हिमाचलेऽनुग्रहाय भूमिजुषाम् .
धत्ते यत् सान्निध्यं लीला-चारित्रमन्यदिदम् .. २४

एतासामार्याणां जानन्तः शास्त्र-सम्मतं भावम् .
जानीयुर्भव-महिशीं भुवनानामम्बिकां देवीम् .. २५