##
|| shrii viShNu-purANaantargata shrii-stutiH ||

siMhAsana gatashshakraH - samprApya tridivaM punaH |
devarAjye sthito deviiM - tuShTaavaabjakaraaM tataH ||

indra uvaacha

namaami sarvalokAnAM - jananiiM abdhi-sambhavaam.h |
shriyaM-unmitra padmaakShiiM - viShNu-vakShasthala-sthitaam.h ||

padmaalayaaM padmakaraaM - padmapatra-nibhekShaNAm.h |
vande padmamukhiiM deviiM - padmanaabha-priyaaM-aham.h ||

tvaM siddhistvaM svadhA svAhA - sudhA tvaM lokapaavanii |
saMdhyA raatriH prabhA bhuutir.h - medhA shraddhA sarasvatii ||

yaj~navidyA mahAvidyA - guhyavidyA cha shobhane |
aatmavidyA cha devi tvaM - vimukti-phala-daayinii ||

aanviikShatii trayii vaartA - daNDaniitistvameva cha |
saumyAsaumyair.h jagadruupaiH - tvayaitad.h devi puuritam.h ||

kaa tvanyaa tvaaM-R^ite devi - sarvayaj~namayaM vapuH |
adhyAste devadevasya - yogi-chintyaM gadA-bhR^itaH ||

tvayA devi parityaktaM - sakalaM bhuvanatrayam.h |
vinaShTa-prAyaM abhavat.h - tvayedaaniiM samedhitam.h ||

dArAH putraastathAgaara - suhR^id.h-dhAnya dhanaadikam.h |
bhavatyetaM mahAbhAge nityaM - tvad.h-viikShaNaanR^iNaam.h ||

shariiraarogyam.h-aishvaryam.h - aripakSha-kShayassukham.h |
devi tvaddR^iShTi dR^iShTAnAM - puruShANaaM na durlabham.h ||

tvaM mAtA sarvalokAnAM - devadevo hariH pitaa |
tvayaitad.h-viShNunA chAmba - jagad.h-vyAptaM charAcharam.h ||

mA naH koshaM tathA goShThaM - mA gR^ihaM mA paricChadam.h |
mA shariiraM kaLatraM cha - tyajethAH sarvapaavanii ||

mA putrAn.h mA suhR^id.h-vargAn.h - mA pashuun.h mA vibhuuShaNam.h |
tyajethA mama devasya - viShNorvakSha-sthalAlaye ||

satyena shaucha-satyaabhyAM - tathA shiilaadibhir.h-guNaiH |
tyajyante te narAH sadyaH - saMtyaktA ye tvayAmale ||

tvayAvalokitAH sadyaH - shiilAdyaiH sakalair.h-guNaiH |
dhanaishvaryaish.h cha yujyante - puruShA nirguNA api ||
 
sa shlAghyaH sa guNii dhanyaH - sa kuliinaH sa buddhimaan.h |
sa shuuraH sa cha vikraantaH - yaM tvaM devi niriikShase ||

sadyo vaiguNyam.h-Ayaanti - shiilaadyAssakalA guNAH |
parA~NmukhI jagaddhAtrii - yasya tvaM viShNuvallabhe ||

na te varNayituM shaktA - guNAn.h jihvApi vedhasaH |
prasiida devi padmAkShi - mAM smAMs.h-tyAkShiiH kadAchana ||

shrii paraasharaH :

evaM shrii saMstutA samyak.h - prAhaadR^ishyA shatakratum.h |
pashyataaM sarvadevaanAM - sarvabhuuta-sthitA dvijA ||

shriiruvaacha :

parituShTAsmi devesha - stotreNaanena te hare |
varaM vR^iNiiShva yastviShTo - varadA.ahaM tavAgatA ||

indra uvaacha :

varadA yadi me devi - varArho yadi chApyaham.h |
trailokyaM na tvayA tyAjyaM - eSha me.astu varaH paraH ||

stotreNa yastvathaitena - tvAM toShyati abdhi-saMbhave |
sa tvayA na parityAjyaH - dvitiiyo.astu varo mama ||

shriiruvaacha :

trailokyaM tridasha-shreShTha - na saMtyakShyAmi vAsava |
datto varo mayA.ayaM te - stotrArAdhana tuShTayA ||

yashcha sAyaM tathA prAtaH - stotreNaanena mAnavaH |
mAM toShyati na tasyAhaM - bhaviShyAmi parA~Nmukhii ||

shrii paraasharaH :

evaM dadau varo devii - devarAjAya vai purA |
maitreya! shriir.h-mahAbhAgA - stotrArAdhana toShitA ||

bhR^igoH khyaatyAM samutpannA - shriiH puurvamudadheH punaH |
devadAnava yatnena - prasuutA.amR^ita-manthane ||

evaM yadA jagat.h-svaamii - devadevo janArdanaH |
avatAraM karotyeShA - tadA shriistat.h-sahaayinii ||

punashcha padmA sambhuutA - hyaadityo.abhuud.h-yadA hariH |
yadA cha bhArgavo rAmaH - tadA.abhuud.h hariNii tviyam.h ||

raaghavatve.abhavat.h siitaa - rukmiNii kR^iShNajanmani |
anyeShu chaavatAreShu - viShNoreShAnapAyinii ||

devatve devadehe.ayaM - manuShyatve cha mAnuShii |
viShNor.h-dehAnuruupAM vai - karotyeShAtmanastanum.h ||

yastvetat.h shruNuyAjjanma - lakShmyA yashcha paThennaraH |
shriyo na vichyutistasya - gR^ihe yAvat.h kulatrayam.h ||

paThyate yeShu chaivaiShA - gR^iheShu shriikathA mune |
alakShmiiH kalahAdhArA - na teShvAste kadAchana ||

etat.h te kathitaM sarvaM - yanmAM tvaM paripR^icChasi |
kShiiraabdhau shriiryathA jAtA - puurvaM bhR^igusutA satii ||
 
iti sakala vibhuutyavaapti-hetuH 
stutiriyaM indra-mukhodgataa hi lakShmyaaH |
anudinamiha paThyate nR^ibhir.h-yaiH 
vasati na teShu kadAchidapi-alakShmiiH ||

##